ମୁମ୍ବାଇ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ (ଟିଏମ୍ସି) ସୁପ୍ରିମୋ ମମତା ବାନାର୍ଜୀ ସଂପ୍ରତି ଦୁଇଦିନିଆ ମହାରାଷ୍ଟ୍ର ଗସ୍ତରେ ଆସିଥିବା ବେଳେ ଆଜି ମୁମ୍ବାଇରେ ନ୍ୟାସନାଲିଷ୍ଟ କଂଗ୍ରେସ ପାର୍ଟି (ଏନସିପି) ସୁପ୍ରିମୋ ଶରଦ ପାଓ୍ଵାରଙ୍କୁ ତାଙ୍କ ବାସଭବନରେ ଭେଟିଛନ୍ତି। ଉଭୟ ନେତାଙ୍କ ମଧ୍ୟରେ ଦୀର୍ଘ ସମୟ ଧରି ଆଲୋଚନା ହୋଇଥିଲା।
ଏନ୍ସିପି ସୁପ୍ରିମୋ ପାଓ୍ଵାରଙ୍କୁ ଭେଟିବା ପ୍ରସଙ୍ଗରେ ମମତା ଗଣମାଧ୍ୟମକୁ କହିଛନ୍ତି ଯେ ମହାରାଷ୍ଟ୍ର ଏବଂ ପଶ୍ଚିମବଙ୍ଗ ମଧ୍ୟରେ ଭଲ ସମ୍ପର୍କ ଅଛି ଏବଂ ସେଥିପାଇଁ ସେ ପାୱାରଙ୍କୁ ଭେଟିବାକୁ ଆସିଥିଲେ। ଆଲୋଚନା କାଳରେ ଉଭୟ ନେତାଙ୍କ ମଧ୍ୟରେ ନେତୃତ୍ୱ ପ୍ରସଙ୍ଗରେ ଆଲୋଚନା ହୋଇଛି। ମମତା କହିଛନ୍ତି, ଆସନ୍ତୁ ଏକଜୁଟ ହେବା, ଲୋକଙ୍କୁ ନ୍ୟାୟ ଦେବା ଏବଂ ଆମ ଦେଶ ଏବଂ ଗଣତନ୍ତ୍ରକୁ ବଞ୍ଚାଇବା।
ବୈଠକ ପରେ ପାୱାର କହିଛନ୍ତି, ସଞ୍ଜୟ ରାଉତ ଏବଂ ଆଦିତ୍ୟ ଠାକରେ ତାଙ୍କୁ ଭେଟିଥିଲେ। ଆଜି, ମୋର ସହକର୍ମୀଏବଂ ମୁଁ ତାଙ୍କ ସହିତ ଦୀର୍ଘ ସମୟ ଆଲୋଚନା କରିଥିଲୁ। ତାଙ୍କର ଉଦ୍ଦେଶ୍ୟ ହେଉଛି, ଆଜିର ପରିସ୍ଥିତିରେ, ସମାନ ଚିନ୍ତାଧାରାର ଶକ୍ତିମାନଙ୍କୁ ଜାତୀୟ ସ୍ତରରେ ଏକାଠି ହେବାକୁ ପଡିବ ଏବଂ ଏକ ସାମୂହିକ ନେତୃତ୍ୱ ଗଠନ କରିବାକୁ ପଡିବ।
ସୁଶ୍ରୀ ବାନାର୍ଜୀ ନାଗରିକ ସମାଜର ସଦସ୍ୟମାନଙ୍କୁ ଏହି ଉଦ୍ଦେଶ୍ୟରେ ସଚେତନତା ସୃଷ୍ଟି କରିବା ପାଇଁ ଦେଶବ୍ୟାପୀ ଯାତ୍ରା କରିବାକୁ ନିବେଦନ କରିଥିଲେ। ବିଶିଷ୍ଟ ଗୀତିକାର ଜାଭେଦ ଅଖତର, ସାମାଜିକ କାର୍ଯ୍ୟକର୍ତ୍ତା ମେଧା ପାଟକର, ଅଭିନେତା ରିଚା ଚଢା ଏବଂ ଷ୍ଟାଣ୍ଡଅପ୍ ହାସ୍ୟ ଅଭିନେତା ମୁନାୱାର ଫରୁକି ଏହି ଆଲୋଚନାରେ ଅଂଶଗ୍ରହଣ କରିଥିଲେ।
ଉଲ୍ଲେଖଯୋଗ୍ୟ ଏହା ପୂର୍ବରୁ, ମଙ୍ଗଳବାର ଦିନ ସୁଶ୍ରୀ ବାନାର୍ଜୀ ଶିବସେନା ନେତା ଆଦିତ୍ୟ ଠାକରେ ଏବଂ ସଞ୍ଜୟ ରାଉତଙ୍କୁ ଭେଟିଥିଲେ।
The post ଶରଦ ପାୱାରଙ୍କୁ ଭେଟିଲେ ମମତା; ନେତୃତ୍ୱ ପ୍ରସଙ୍ଗରେ ହେଲା ଆଲୋଚନା first appeared on Sambad.from ରାଜନୀତି | Sambad https://ift.tt/3pbGYZ8
0 Comments